Balerina e Sfurkut

Lindin te ti nete t'perjetshme.
Gjunjte e tu hapin dyert e Sesamit, 
i pjerret profili i gonxheve t'perkunduna me shpute.
buzet e njerezishme shtypin horizontet skandinave
me egersi etjejet.
N'gjumin e pjekun,
nata asht zani jot i heshtun
Micat kane qytet shpirtin qe shterr
Muret gervishtin me gjuhen e tulte
Te ti laget cdo shi
Vdes cdo Zot fajtor
Grate puthin gra me qafe te kuqe e lekure prej toke
n'matricat e pertypuna me
era tande t'zeze,

Uji i dallendysheve,
Fustani me province jashte e krahet e ngulun gjoks,
kafshata e lidhun per nje nate me dur xhami,

Gjithckaje i bahesh nane.

Krejt Egjyptet vizitoi dielli,
pervec tandit,
pervec shpindes ku parajsa ka sterpik rranje.
E lutjeve me bar te thate nder goje.

E jotja asht jeta.
E bute e shtazore
rrenqethja qe shpon driten
para tyne vlojne dhimbjet e pranverave qe 'ske
koha qe mjelin
pikon n'qoshen tande pemore.
E ti e bukur,
me kemisha prej muzgu
me detet e kalbuna n'buzen e poshtme,
Ti feste e nxjerrun prej barkut t'lules,
mjegull nder eshtna t'lashte,
vjen me te nesermet e dimnit barbar.

Sa gjate Shekujt e tu,
priten te mite.
Ne cerdhen e prehnit t'ujshem,
ku perendimet e bronxta rralle rrahin bijte e frymes.